Wikizzionari:Burocrat
|
Questa pagina del Wikizzionari chì l'è scrivuda in lombard, con la Noeuva Ortografia Lombarda |
I utent ch'inn staa nominaa burocrat poden fà diventà aministrador di alter utent (anca se poden minga fà el contrari); i burocrat poden vesser nominad da on quai alter burocrat sgiamò present in del wikizzionari, oppur de on steward.
I burocrat pòden anca dà la bandera de Bot a quei che fann richiesta.
Regordeves che vesser on burocrat l'è minga on titol de merit che te fà diventà diferent di alter wikipedian, ma l'è puttòst ona funzion de servizzi; el voeul dì che i burocrat gh'hann pussee responsabilità e pussee de lavorà che i utent normai.
La fonzion de burocrat la gh'a mingaa una durada fissa e vun al pò dimetes quand che 'l voeul opur, per seri problemi, el pò vesser descaregad de ofizzi.
Come diventà burocrat
Un burocrat el gh'hà de avegh la fiducia de la comunità. Un qualsessia utent (tì medesim o 'n alter utent) el pò vesser candidad come burocrat. Per diventà burocrat te gh'hee de dervì una domanda de burocrat o ben una votazzion. La votazzion la restarà averta per 15 dì e poden votà comà quei che hann sgiamò contribuì al wikizzionari al moment che la votazzion l'è averta dopo de che, in caso de esit favorevol un steward l'assegnarà la fonzion de burocrat. Quand che 'l period de fonzion de burocrat el finiss la domanda la podarà vesser fada de noeuv a l'istessa manera.
Se 'l wikizzionari l'è anmò in incubator e gh'avarà minga di sò burocrat, a ghe sarànn domà i burocrat de l'incubator.
Se 'l wikizzionari el gh'hà un sò sit el podarà havegh di buracrat domà se l'è assee grand (varda chichinscì i requisid). Varda chichinscì el livell minim de consens per diventà burocrat. Se 'l wikizzionari el gh'hà minga de burocrat el mester di burocrat el sarà fad d'un steward, varda come a la pagina Aministrador.
Quand che una votazzion l'è stada sarada su al'è proibid dervila anmò per l'istess burocrat almanch per vun mes del moment de la soa saradura.
Come dervì una domanda de burocrat (domà se 'l wikizzionari l'è assee grand)
Schiscia el bot chì de sota e poeu met denter i informazzion de l'utent de candidà.
'Na volta averta la domanda, te podet fà reclam de la domanda de burocrat anca in del Bar del Wikizzionari e in la Pagina di notizzi.
El risultad favorevol, a la fenitiva de l'elezzion el gh'ha de vesser segnalad in di istesse pagine.