Wikizzionari:Sondagg/Sondagg del 5 - 02 - 2023 - 21:32

Discussion averta

La discussion la restarà averta per 15 dì, in del cors di quai se crecarà un'acord. Se 'l restarà un quaivun contra se dervirà la votazzion. In la votazzion domà i utent con Wikizzionari:Dirit de voto i poden votà.

Argoment de la discussion: Parolle ricostruide

Al dì d'incoeu gh'hem minga de regolament sora i parolle ricostruide o ben i parolle di lengue antighe che la soa esistenza l'è domà suposta. Mi credi che 'l sia assee a scriver la font che la dis che l'è ona parolla ricostruida e sgiontà on templeit fad a posta per marcàlla come parolla ricostruida. Se 'n pensee?--Gat lombard (ciciarade) 22:35, 5 feb 2023 (CET)

El risultad del sondagg el sarà raportad in la pagina Wikizzionari:Termin ricostruid

Coment

Mì gh’hoo un’opinion un cicinin ambivalenta, desgià che a cognossi nò la quistion in profondidà. Per adess, me someja che se di vœulte la reconstruzzion lenguistega de dei etimologie che vegnen sgiò del latin volgar — e donca minga documentade in del latin classegh — l’è propi ciara ciarenta e donca legitima, gh’è anca una mota de oltre situazzion indova i metod par rivà a la parolla reconstruida ma paren soratut di mester de carater teoretegh, coma in di reconstruzzion di lengov ben pussee vegge del latin volgar, compagn, per esempi, del proto-sgermanegh o del proto-indo-europee. Specci i opinion de un quajvun che el cognoss mej quii lavorà chì inanz de esprimes concretament. --Laurbereth ☛ ✉ ☚ 09:51, 6 feb 2023 (CET)

@Laurbereth: A credi che in sul wikizzionari a ghe sia minga de sgent pussee esperta de ti. Però gh'hem de decider. Se podariss fà che quand che vun el sgionta di parolle riconstruide el l'è obligad a sgiontà i font e sgiontà on templeit fad a posta ( → modell:termin ricostruid ) che 'l dis che l'esistena de la parolla l'è domà probabil ma minga sicura. Per i loengov vegge veggente se po fà no divers. Se te ne penset?--Gat lombard (ciciarade) 14:32, 6 feb 2023 (CET)

Ol glz19 e l’Eafodh me paren ben informad anca lor in su tante robe.
Sì, coma soluzzion la podaria andà ben. Dìgh ai utent de doperà nò quii lavor chì quand che a inn sgiamò adree a doperàj in sui oltre version del Wikizzionari l’è forsi minga propri inscì giust. Va ben ol template. --Laurbereth ☛ ✉ ☚ 09:50, 7 feb 2023 (CET)

Esempi de codes col templeit sgiontad

 == {{-ISO-}} ==
 {{-noun-|ISO}}
 {{termin ricostruid}}
 <!-- sostituiss "ISO" cont el codes ISO de la lengua de la parolla che se se 'dree a meter denter: en per ingles, de per tedesch, es par spagnoeul, fr per frances, it par italian, pt per portoghes... -->
 {{pn}} ''m f c n'' (pl:<!--scriv chinscì el plural-->)
 :<!-- se el nom l'è maschil e l'esist on feminil scrìv inscì: "feminil ► '''[[nom de la vos in feminil]]''' " ; fà in manera compagna se 'l nom l'è feminil e l'esist on maschil -->
 # {{Nodef}} <!-- Scriv chichinscì la definizzion inscambi de {{Nodef}}, se te ghe l'hee minga lassa scrivud {{Nodef}} -->

 {{-hyph-}}
 ; <!-- mèt denter chì la sillabazzion cont el divider i sillabe per mez d'un | compagn che in de l'esempi: im | pe | ria | li | smo  -->

 {{-pron-}}
 sing: {{IPA|<!-- scriv scià la prononzia -->}}

 pl: {{IPA|<!-- scriv scià la prononzia -->}}

 {{-etim-}}
 {{Noetim}}<!-- Met chichiscì l'etimologia inscambi de {{Noetim}}. Se de nò lassa {{Noetim}} -->

 <!-- alter modei util:
 {{-rel-}} per i termin conligad
 {{-prov-}} per i proverbi e i moeud de dì -->

 {{-ref-}}
 *{{Noref|ISO}}<!-- s'a se conoss 'na fonte metela denter scià inscambi de {{Noref|ISO}}, se de nò specifegà el codes ISO de la lengua -->

Sondagg sarrad --Gat lombard (ciciarade) 17:19, 21 feb 2023 (CET)

El risultad del sondagg l'è stad raportad in la pagina Wikizzionari:Termin ricostruid