Wikizzionari:Sondagg/Sondagg del 7 - 10 - 2022 - 20:40/modifeghe al regollament
El regollament come l'è adess
Atenzion: caso rar ma dificil de gestì
►Se la pagina la gh'è sgiamò ma l'è el caso che la parolla che te voeulevet scriver con la toa grafia panlombarda acetada la corrisponda a una pagina che 'l so titol in d'on'altra grafia el voeul dì on'altra parolla, allora crea ona pagina che la gh'ha 'me titol la parolla che te voeulet scriver seguida de "/SL" (se l'ortografia drovada l'è la Scriver Lombard), "/NOL" (se l'ortografia drovada l'è la Noeuva Ortografia Lombarda) . Fàll a l'istessa manera cont el doprà i caselle chì de sora.
Donca crea la pagina de desambiguazzion che la gh'hà come titol la parolla seguida de "/desambiguazzion". Fà la desambiguazzion in fra la vos sgiamò esistenta e quella cont "/NOL" o "/SL" cont el scriver la vos de desambiguazzion chì de sota con l'andà adree al modell propost. Chì de sota scacela "parolla" e scrìv la parolla de "desambiguà" poeu schiscia "crea la pagina de desambiguazzion" e vagh adree al modell propost.
De là de quell cas chì sossenn particolar i pagine de desambiguazzion i servissen de rimandà ai varie pagine, soratut in del cas de la desambiguazzion in fra l'ortografia milanesa e la Noeuva Ortografia Lombarda (e/o la Scriver Lombard) desgià che despess i plural feminil che in Noeuva Ortografia Lombarda i finissen con "-e" i gh'hann nò la "-e" in ortografia milanesa e inscì despess a inn l'istess del singolar maschil in Noeuva Ortografia Lombarda (e despess istess anca in Scriver Lombard). Varda per esempi limoner/desambiguazzion asca tante alter parolle. In del cas di ortografie diverse de quei panlombarde acetade, per esempi quella milanesa, l'è assee che te tiret in pee la pagina de desambiguazzion che a bon cunt la fa l'istess mester de quella d'ona redirezzion quand che se gh'ha però de scernì in fra di grafie diferente.
In fin de l'ascia la desambiguazzion l'è ona redirezzion multipla che se fà per lassà pussee libera ona pagina cont ona vos sgiamò esistenta scrivuda con voeuna di ortografie panlombarde acetade.
Fàgh atenzion: la desambiguazzion l'è de fà domà quand che una parolla lensgiuda second do diverse grafie la voeul dì do parolle diverse, minga quand che l'istessa parolla lensgiuda con l'istessa grafia la gh'hà du significad. In quel caso chì, assee comun, te gh'heet inveci de fà nò la desambiguazzion ma putost de sgiontàgh l'alter significad in de la stessa pagina.
Quant che t'hee fad la desambiguazzion va a la pagina che l'era sgiamò esistenta e met on conligament vers la pagina de desambiguazzion cont el scriv in alt, sota == {{-lmo-}} == in del codes de la pagina:
Per el significad in alter grafie varda ►►► '''[[{{PAGENAME}}/desambiguazzion]]'''
Questa situazzion l'è grama, ma per fortuna l'è anca sossenn rara, ancaben che la poda capità.
►Un'alter cas de desambiguazzion l'è quell che l'istessa parolla in d'un dialet la voeur dì una roba, e in d'un alter dialet la voeur dì un'altra desgià che l'è una variant d'una altra parolla sgiamò presenta in del dizzionari. In quel caso chì la desabiguazzion l'è una sorta de doppia redirezzion vers i do pagine, la ven construida a l'istessa manera con la diferenza chi in del codes di pagine sota == {{-lmo-}} == se gh'ha de sgiontà:
'''Atenzion''': in d'un quai dialet questa parolla chì l'è una variant d'un'altra parolla in lengua lombarda ►►► '''[[{{PAGENAME}}/desambiguazzion]]'''.
Esempi: me/desambiguazzion
El regollament come 'l gh'havaria de vesser
Atenzion: casi rar ma dificil de gestì
►Se la pagina la gh'è sgiamò (condemanch che la sia ona redirezzion) ma te voeulet scriver ona pagina in d'on'altra ortografia panlombarda acetada (e quell mester chì l'è permetud de fàll domà in del rar cas che l'istessa parolla la cambia signifegad a segonda de l'ortografia) opur te voeulet creà ona pagina de redirezzion in qualsessia ortografia acetada, tira in pee ona pagina che la gh'habia 'me titol la parolla che te voeulet scriver seguida de /SL se l'ortografia drovada l'è la Scriver Lombard,/NOL se l'è la Noeuva Ortografia Lombarda,/MILCLASS per l'ortografia milanesa (e poeu a ghe sariss anca /DUC per l'ortografea del Ducad,/LOCC per l'ortografia insubrica unificada,/LSI per el lessich dialetal de la vizzera italiana, /LOD per l'ortografia lodesana).
Per tirà in pee i pagine drova i caselle chì de sora, 'me per i vos normai. ( A l'è on esempi la pagina: "lustrissem/MILCLASS")
Donca và a la pagina che l'era sgiamò esistenta e mèt on ligam vers la pagina noeuva che t'hee cread cont el scriver {{alter grafie|MILCLASS}} in alt, sota == {{-lmo-}} == in del codes de la pagina, per rimandà a ona pagina /MILCLASS, opur {{alter grafie|SL}} per mandà a ona pagina /SL, in del cas de tute do fà inveci {{alter grafie|SL-MILCLASS}}. Se a se voeul sgiontàgh per esempi l'ortografia milanesa a ona pagina in SL l'è possibil, l'è assee a sgiontàgh el codes de sota, poeu però el titol de la pagina el gh'ha de vesser cambiad e diventà .../SL-MILCLASS. Per cambiàgh el titol doperà la fonzion "Sposta" de la lista che se derva con el cilicà sora l'eticheta an'mò in alt a destra (poden fàll domà i utent registrat, se te seet minga registrat ciamegh de fàll a on aministrador.
E naturalment el mester l'è l'istess per tute i ortografie acetade.
Se inveci la pagina la gh'he sgiamà ma l'è domà on redirezzion và inanz a scriver de sota cont on'altra redirezzion. Inanz de la seconda redirezzion scriv el codes {{alter grafie}} (varda i istruzzion de la pagina de aiut a proposit di redirezzion). Se ona pagina la gh'ha diverse redirezzion e voeuna l'è in ortografia panlombarda questa chì la gh'ha de vesser scrivuda de sora.
Ocio:
- quell mester chì l'è de fà domà quand che una parolla lensgiuda second do diverse grafie la voeul dì do parolle diverse, minga quand che l'istessa parolla lensgiuda con l'istessa grafia la gh'hà du significad. In quel caso chì, assee comun, te gh'heet de sgiontàgh semplicament l'alter significad dent in la stessa pagina.
- in del cas di pagine de redirezzion che rimanden a ona pagina che la gh'ha l'istess nom de la vos (per esempi lustrissem/MILCLASS vers lustrissem l'è mei se te scrivet "
→varda:" inscambi de:"→variant de:" de sgià che 'ste pagine chì i rimanden a ona pagina che la gh'ha l'istess nom.
►Un'alter cas sossenn rar l'è quell che 'l capita quand che l'istessa parolla in d'un dialet la voeur dì una roba, e in d'un alter dialet l'è una variant d'una altra parolla sgiamò presenta in del dizzionari. In quel caso chì te gh'hee de tirà in pee ona desabiguazzion l'è una sorta de doppia redirezzion vers i do pagine e poeu de scriver sgiontà sota == {{-lmo-}} == in del codes de la pagina sgiamò esistenta:
{{alter dialet|desambiguazzion}}.
Per tirà in pee la desambiguazzion scrìv la parolla in la casella chì de sota al post de "parolla", donca schiscia in su "Crea la pagina de desambiguazzion" e poeu vàgh adree al modell propost.
Esempi: me/desambiguazzion