Wikizzionari:Sondagg/Sondagg del 27 - 01 - 2023 - 13:49
Discussion averta
La discussion la restarà averta per 15 dì, in del cors di quai se crecarà un'acord. Se 'l restarà un quaivun contra se dervirà la votazzion. In la votazzion domà i utent con Wikizzionari:Dirit de voto i poden votà.
Argoment de la discussion: Requisiti per diventà utent de San Martin
Fabricator l'è adree per dànn la possibiltà de havégh i utent de San Martin. (https://phabricator.wikimedia.org/T327340). Intratanta ve domandi se l'è el cas de mudà i requisid per diventà utent de San Martin o 'l va ben 'me che l'è.
Incoeu i requisid a inn che poden fà la domanda per diventà di utent de San Martin i utent che gh'hann 'sti requisid chì:
- A inn registrad in sul wikizzionari de almen on mes
- I hann fad almen 200 modifiche in sul wikizzionari
- Poden dimostrà de havégh capid i regole per el spostament di vos lombarde con l'indicà in la domanda medesima 5 spostament possibil second 'ste regole chì.
E poeu gh'havarà de vessegh ona votazzion per 7 dì.
Coment
- Me paren tucc di criteri bon e comprensibii, donca sont anca d’acord. --Laurbereth ☛ ✉ ☚ 19:08, 27 gen 2023 (CET)
- @Laurbereth: Gh'hem anca de pensà ai criteri per toeugh via el permess ai utent de San Martin. Mi disaria che se vun el falla on spostament el gh'ha de giustà ì'me che l'era prima, donca vun che 'l se refuda de giustà on spostament fallad el perd el permess. In di alter cas el permess el po vesser tolt via con decision de la comunità se l'è minga inscì bon de lavorà opur se 'l sposta in manera sbajiada almen tri parolle in serie anca senza decision de la comunità.--Gat lombard (ciciarade) 20:28, 27 gen 2023 (CET)
- @Gat lombard: Pensi che el saja mej valutà i situazzion cas per cas — tucc a fem de error, soratut a l’inizzi, ma l’è di noster error che imprendem a lavorà mej. Se vun l’è in bona fid, meter un limet fiss de error che se pœul fà l’è forsi un lavor un zich trop strecc, par coma la vedi mì. Al contrari, però, se vun el seguita a fà i istess error de proposet, el scolta nò i osservazzion che ghe vegnen faite e el va inanz a menà i pagine inanz e indree senza una vera motivazzion, el saria mej cavàgh i podé de S. Martin fina a quand l’insubiss de vesser pussee marudad coma utent. --Laurbereth ☛ ✉ ☚ 10:37, 28 gen 2023 (CET)
- @Laurbereth: Gh'hem anca de pensà ai criteri per toeugh via el permess ai utent de San Martin. Mi disaria che se vun el falla on spostament el gh'ha de giustà ì'me che l'era prima, donca vun che 'l se refuda de giustà on spostament fallad el perd el permess. In di alter cas el permess el po vesser tolt via con decision de la comunità se l'è minga inscì bon de lavorà opur se 'l sposta in manera sbajiada almen tri parolle in serie anca senza decision de la comunità.--Gat lombard (ciciarade) 20:28, 27 gen 2023 (CET)
- Per mé al va ben --Glz19 (ciciarade) 16:49, 3 feb 2023 (CET)
Sondagg sarrad--Gat lombard (ciciarade) 21:12, 11 feb 2023 (CET)
Donca, I regolle per diventà utent de San Mertin i muden nò.
A ghe sarà tolt via el permess de utent de San Martin a l'utent che ' se refuda de modifegà indree i sò error (quest el significa che se vun el falla, i prime azzion che 'l gh'havarà de fà a inn quei per giustà i error). In di alter cas el permess el po vesser tolt via domà col consens de la comunità in del bar del wikizzionari, la comunità la decidarà a segonda di error che 'l fa. --Gat lombard (ciciarade) 09:44, 11 feb 2023 (CET)