Wikizzionari:Utent de San Martin
|
Questa pagina del Wikizzionari chì l'è scrivuda in lombard, con la Noeuva Ortografia Lombarda |
On utent de San Martin (o utent de San Michel) a l'è on utent che 'l gh'ha i permess de spostà el titol di vos senza lassà di redirezzion e a sorascriver di vos che gh'inn sgiamò.
Cossa el po fa on utent de San Martin
modifegaOn utent de San Martin el po mudà el titol de la vos senza lassà adree di redirezzion (indove con redirezzion se intenden in quell cas chì di pagine che gh'ha in del so codes #REDIRECT o #VARDA e minga i redirezzion de la lengua lombarda). Donca, a bon cunt i utent de San Martin i gh'hann el permess de spostà ona vos "B" al post d'ona vos "A", cont el trasformà "A" in "A (temporanea)", donca trasformà "B" in "A" e poeu "A (temporanea)" in "B".
Un utent de San Martin l'è autorizad a cambià el titol de la vos in questi cas chì:
- se gh'è on error ciar e patent in del titol de la vos;
- per mudà el titol de la vos in vun che 'l mej rapresenta la lengua lombarda. In quel cas chì el gh'havarà de rispetà el Wikizzionari:Regole per el spostament di vos lombarde.
Quand che 'l titol noeuv de la vos l'è ona pagina sgiamò esistenta che la gh'ha minga dent domà ona redirezzion, a gh'è minga de sorascriver la pagina ma putost de sgiontà el contegnud e fà on mester compagn de quell che se fà per unì i vos lombarde.
Come diventà utent de San Martin
modifegaA fà l'utent de San Martin l'è on mester de responsabilità, doncà i utent de San Martin i gh'hann de havégh esperienza e fà la domanda per diventàll. Poden fà la domanda per diventà di utent de San Martin i utent che gh'hann 'sti requisid chì:
- A inn registrad in sul wikizzionari de almen on mes
- I hann fad almen 200 modifiche in sul wikizzionari (Se po controllà el numer de modifiche con l'arnes stalktoy)
- Poden dimostrà de havégh capid i regole per el spostament di vos lombarde con l'indicà in la domanda medesima 5 spostament possibil second 'ste regole chì.
Come dervì una domanda per diventà utent de San Martin
modifegaSchiscia el boton chì de sota e poeu meter denter i informazzion de l'utent de candidà.
La votazzion la restarà averta per 7 dì, el risultad favorevol el comporta che on aministrador l'assegnarà el permess de utent de San Martin in la pagina "special di permess de l'utent".
Perdita di permess de utent de San Martin
modifegaA ghe sarà tolt via el permess de utent de San Martin a l'utent che 'l se refuda de modifegà indree i sò error (quest el significa che se vun el falla, i prime azzion che 'l gh'havarà de fà a inn quei per giustà i error).
In di alter cas el permess el po vesser tolt via domà col consens de la comunità in del bar del wikizzionari; la comunità la decidarà a segonda di error che 'l fa.