Apendice:Verb ausiliari

Questa pagina del Wikizzionari chì l'è scrivuda in lombard, con la Noeuva Ortografia Lombarda

Inscì come l'è sgiamò stad did a merit di temp verbai i temp compost a inn fad su cont el metegh el verb ausiliari conjugad al temp sempliz corispondent.

A se dopera el verb ausiliari vesser per la pussee part di verb intransitiv oppur quei in forma riflessiva, passiva o impersonal. A se dopera el verb ausiliari havé per i verb transitiv in forma ativa minga impersonal e per on quajvun di verb intrasitiv.

► vesser
► havé (in lombard ocidental), havégh (in lombard oriental)

In diversi dialet, per la costruzzion de la forma passiva el verb vegnì (►coniugazzion) el pò andà per el verb vesser.

L'è doperad a l'istessa manera di verb ausiliari, domà ai moeud finid el verb "andà" cont el significad de havégh de vesser

Se 'l verb ausiliari l'è vesser e 'l soget l'è plural anca el participi passad el gh'ha de vesser plural. Se inveci l'ausiliari l'è havé el participi passad l'è drovad semper al singolar.